شـه‌فــه‌ق نــیوز

شه‌فه‌ق/ د. به‌لقیس ئاشكرایه‌وكرد، ك‌ وه‌ى نزيكه‌يله‌ سیدییگ ‌و دو كلیپ‌ نوو‌ بڵاوه‌وئه‌كا‌.

خانمه‌ هونه‌رمه‌ند‌ كورد (د.به‌لقیس) ئه‌را ڕووژنامه‌ی‌ (میدیا) باس‌ له‌وه‌كرد، ك‌ خه‌ريك گرده‌وكردن‌ گشت به‌رهه‌م ‌و گورانییه‌ قه‌ديميه‌گانيه‌‌ له‌به‌رهه‌ميگ نوو، وتیش‌، ‌ئيسه‌ كار له‌بان تۆماركردن‌ سیدییگ‌ نوو‌ ‌كه‌م ‌و وه‌ى نزيكه‌يليشه‌ كاره‌یلى‌ ته‌واو ئه‌دێ ‌و پێشكه‌ش وه‌ دووسدار ‌و لایه‌نگره‌يلم ئه‌كريه‌ێ.

د. به‌لقیس ئه‌وه‌يش ئاشكراكرد‌، ك‌ خه‌ريك‌ دروسكردن‌ دو كلیپ‌ نووه‌، وه‌ل یه‌كيگ له‌هونه‌رمه‌نده‌يل پیاو وه‌بێ‌ ئه‌وه‌گ‌ ناوه‌گه‌ی‌ ئاشكرا بكا، چوينكه‌ حه‌ز ئه‌كا بدێده‌ ‌سوپرایز.

ئه‌وه‌يش‌ نه‌شارده‌و‌، ك‌ فره‌ دووس‌ ‌كار‌ هونه‌ری ديرێد‌ و له‌وباره‌و‌ وت‌، تا مردنم له‌كار هونه‌ری‌ وه‌رده‌وام ئه‌دۆم.