60 هه‌زار جه‌نگاوه‌ر حه‌شد شه‌عبی له‌ جه‌نگ ئه‌نبار به‌شدارى ئه‌كه‌ن

 60 هه‌زار جه‌نگاوه‌ر حه‌شد شه‌عبی له‌ جه‌نگ ئه‌نبار به‌شدارى ئه‌كه‌ن
2015-05-17T19:35:37+00:00

ئه‌و سه‌ركرده‌ ك له‌ ڕێ تلفۆنه‌وه‌، وه‌ل (شه‌فه‌ق نیوز) قسیه‌ كردگه‌ و نه‌خواستگه‌ ناوێ ئاشكراوه‌ بدێ، وتگه‌ : نزیكه‌ێ 60 هه‌زار جه‌نگاوه‌ر له‌ هێزه‌یل حه‌شد شه‌عبی پێكهاتگ له‌ هێزه‌یل به‌در و عه‌سائب ئه‌هل حه‌ق و خوراسانی و نوجه‌با له‌و كرده‌وه‌ێ سه‌ربازیه‌ به‌شداری ئه‌كه‌ن.

باس ئه‌وه‌یش كردگه‌ ك هێزه‌یل حه‌شد شه‌عبی ، وه‌فه‌رمانده‌یی هادی عامری و ئه‌بو مه‌هدی موهه‌ندس به‌شداری جه‌نگه‌گه‌ ئه‌كه‌ن.

سه‌ركرده‌ێ ناوبریاگ وه‌یه‌یش ئشاره‌ كردگه‌ ، ده‌س وه‌پێكردن پروسه‌گه‌ و ئازاد كردن ئه‌نبار تا سنووره‌یل سوریه‌ ، نیاز وه‌ ڕه‌زامه‌ندی عبادی دێرێ .

وه‌رجله‌ یه‌یش عبادی له‌ هێزه‌یل حه‌شد شه‌عبی داوا كردگه‌ خوه‌یان ئاماده‌ بكه‌ن تا وه‌ل هێزه‌یلتر چه‌كدار و خوه‌ی به‌خشه‌یل عه‌شایر به‌شداری جه‌نگ ئازادی پارێزگاى ئه‌نبار بكه‌ن.

كاروه‌ده‌سێگ ئاسایشی وه‌شه‌فه‌ق نیوز وتگه‌ : ئێ گوڕانكاریه‌ له‌ شوون داخوازی پارێزگار و ئه‌نجومه‌ن پارێزگا و سه‌روك عه‌شره‌ته‌یل و پیاوه‌یل ئاینی ئه‌نجام ئه‌گرێ.

ڕێكخراو تروریستی داعش هێزه‌یل خوه‌ێ گرده‌و كردگه‌ ئه‌ڕا داگیر كردن شار حوبانیه‌ هه‌ڵكه‌فتگ له‌ خوه‌ر ئاوای ڕومادی ك تائیسه‌ هاله‌ ژێر كونتروڵ هێزه‌یل سوپاێ عراق.

ئه‌و كاروه‌ده‌سه‌ وه‌ شه‌فه‌ق نیوز وتگه‌ : تروریسته‌یل خوه‌یان ئاماده‌ كردنه‌ ئه‌ڕا په‌لامار داین حوبانیه‌ و هێزه‌یل سوپاى عراقیش له‌ ناوچه‌یل جه‌وییه‌ و ئه‌لبو فه‌هه‌د له‌ خوه‌ر هه‌ڵات ڕومادی خوه‌یان كیشانه‌سه‌و.

زیاتر وتگه‌: ناوچه‌ێ مه‌لعه‌ب و شه‌قام بیستی شار ڕومادی كه‌فتگه‌سه‌ ده‌س چه‌كداره‌یل داعش و زورم ناوچه‌یل شاره‌گه‌ له‌ لاێه‌ن چه‌كداره‌یل تروریسته‌وه‌ داگیر كریاگه‌.

له‌لاێگتره‌وه‌ لیوا ڕوكن ناسر ئه‌لغه‌نام فه‌رمانده‌ێ پروسه‌یل ئه‌لجه‌زیره‌ وه‌ده‌ركردن به‌یاننامه‌ێگ وتگه‌ : هێزه‌یله‌گه‌ێ وه‌هاوكاری وه‌ل هه‌لیكوپته‌ره‌یل سوپای عراق توێه‌نستنه‌ 25 تروریست بكوژن و دیه‌ ئوتومبیل له‌ ناوچه‌ێ 160 ئاگر بێه‌ن.  

 

Shafaq Live
Shafaq Live