ديديگ له‌باره‌ى هاتنه‌وه‌ى ژيان ئه‌را موسڵ

ديديگ له‌باره‌ى هاتنه‌وه‌ى ژيان ئه‌را موسڵ
2019-11-24T19:23:47+00:00

شه‌فه‌ق نيوز/ رووژنامه‌ى لۆفيغارو فره‌نسى له‌ راپۆرتيگى، باس له‌وه‌ كرد ك ژيان ئه‌را موسڵ(باكوور عراق)گله‌و ئه‌خوه‌ێد، وه‌لێ وه‌ سه‌ختى، ئه‌ويش دوياى قورتاربوينى ئه‌را وه‌رجه‌ دو ساڵ له‌ژير ده‌سڵات ريكخرياگ تيرۆريستى داعش.

 

راپۆرته‌گه‌ له‌تى باس له‌ حكايه‌ت جايه‌ڵه‌يل و دويه‌ت و مناڵه‌يليگ له‌ موسڵ ئه‌كا ك دويه‌م گه‌وراترين شاره‌يل عراقى دوياى به‌غداى پايته‌خت ك ئه‌را ماوه‌ى 9 مانگ جه‌نگ له‌تى ئه‌نجام دريا ئه‌را قورتاركردنى له‌ داعش.

 

راپۆرته‌گه‌ وه‌ حكايه‌ت مناڵيگ وه‌ناو مونزر ده‌سوه‌پيكرد ته‌مه‌ن(11 ساڵ) ك باس له‌وه‌ كردگه‌ ئه‌وسا له‌ناو كويچه‌گه‌يان وازى كردياد و بازداين كردياد وه‌بان شوونه‌يل و باڵه‌خانه‌و ويرانه‌يليگ و باس له‌وه‌ كردياد ك موسڵ شانۆيگ بويه‌ ئه‌را جه‌نگ رخه‌وبه‌ر قوربانيه‌گه‌يشى شار كويه‌ن بوى وه‌ كلتووره‌ مێژووييه‌گه‌ى ك نرخى مه‌زه‌نه‌ ناكريه‌ێد.

 

موزنز ك ماڵه‌گه‌يان وه‌هه‌مان شيوه‌ى بويه‌ ويرانه‌، راهات له‌بان ئه‌وه‌گ چوين بتويه‌نێد زاڵ بدێ له‌بان ئه‌و رويداگه‌يل ترسناكه‌ ك بويه‌ وازيگاى و ئيسه‌يش گشت ئه‌و شوونه‌يله‌ ناسێد ك شوونه‌وار ته‌قه‌مه‌نى و بۆمب ده‌سى له‌تيان وجوود ديرێد.

 

ئمڕوو خيزان نونزر وه‌ مه‌ينه‌تى فريه‌يگ پڕ له‌ ورسگى و ترس و له‌رزه‌و فه‌قيرى له‌ناوڕاس ئه‌و ويرانه‌ ژيه‌ن و هه‌وڵ ئه‌وه‌يش ئه‌يه‌ن ماڵه‌گه‌يان خاسه‌و بكه‌ن، وه‌لێ مه‌نزر خه‌ريك وازيكردن خوه‌يه‌و روێ له‌ خوه‌نين ئيواران كردگه‌، وه‌لێ ئوميده‌واره‌ له‌ ئاينده‌ بدێده‌ دادوه‌ر ئه‌را جيوه‌جيكردن دادگه‌رى.

 

راپۆرته‌گه‌ باسيش له‌ حكايه‌ت كه‌سيگ تر كرد وه‌ناو ئه‌حمه‌د ك ئه‌ويش ته‌مه‌نى 38 ساڵه‌و وه‌ته‌واوى ده‌نگ ناژنه‌فيد له‌وه‌ر ئه‌وه‌گ له‌ ئه‌نجام ده‌نگ بۆمب ك كاريگه‌ى له‌لى كردگه‌و جغاره‌يش ئه‌كيشێد و له‌ هه‌مان وه‌خت له‌ناو خانگيگ بى بان نيشتگه‌و ئاسمان له‌ليه‌و دياره‌ جوور باقى ويرانه‌يل تر.

 

ئه‌حمه‌د هه‌ناى ك هوير له‌و رويداگه‌يل ئه‌كا، ئويشێد: من هويچ ئه‌رام نه‌مه‌ند، هاوسه‌ره‌گه‌م كوشيا وه‌ گوله‌ى قه‌ناس و ئيسه‌يش بيكارم و له‌ژير ئى ويرانه‌ى ماڵمه‌ ژيه‌يم ئه‌را ماوه‌ى دو ساڵه‌و له‌گيان خوه‌م بيزارم.

 

ئمجا له‌وه‌ر نه‌هيشتن شوونه‌وار ئه‌و شۆكه‌، راپۆرته‌گه‌ ئويشێد: ئيمانۆيل ك كاهنيگ عراقيه‌و له‌ موسڵ هاته‌سه‌ دونيا بڕيار گله‌وخواردن داگه‌ ئه‌را ماواى خوه‌ى ك له‌تى له‌دايگ بويه‌ له‌وه‌ر بنياتنانه‌وه‌ى كه‌نيسه‌يل و كۆمه‌ڵگاى مه‌سيحى و په‌يوه‌نديه‌يل وه‌ل موسڵمانه‌يل وه‌ ده‌سميه‌تداين "برايه‌يل عراق" ك كۆمه‌ڵه‌يگه‌ له‌لايه‌ن بينوا كامورا كاسۆليكى فره‌نسييه‌و بريه‌ێده‌ رييه‌و ك په‌يوه‌ندى پته‌ويگ ديريد وه‌ل خوه‌رهه‌ڵات ناوين و كار له‌وه‌ر گله‌وخواردن مه‌سيحيه‌يل ئه‌كا.

 

ئيمانۆيل تويه‌نست كۆمه‌ڵگه‌ى ئه‌لبه‌شاره‌ بنيات بنه‌ێد ك بويه‌ زيندان ريكخرياگ داعش دوياى داگيركردنى.

 

وه‌ل ئه‌وه‌يشا په‌يامنێر باس له‌ حكايه‌ت گله‌وخواردن يه‌حيا و به‌سمه‌ ئه‌كا ئه‌را موسڵ وه‌ل هه‌رسێ مناڵه‌يليان دوياى دويره‌وخستنيان وه‌ زووره‌ملى ئه‌را هه‌ولێر(پايته‌خت هه‌رێم كوردستان)، ك ئه‌و خيزانه‌ دوياخر ماڵه‌گه‌يان هاوردنه‌و ك له‌لايه‌ن چه‌كداره‌يله‌و داگير كرياوێد و ئيسه‌يش خوه‌يان وه‌ به‌خته‌وه‌ر زانن چوينكه‌ ماڵه‌گه‌يان بنميچ ديرێد و ستريان كردگه‌.

 

له‌شاره‌ كويه‌نيش، ماجد هاته‌سه‌و ئه‌را ماڵه‌گه‌ێ ك ماوه‌ى 150 ساڵه‌ جى باوگ و باپيره‌ى بويه‌، ئه‌ويش دوياى ئازادكردن موسڵ له‌ ريكخرياگ داعش، ك به‌شيگ له‌لى سزياوێد و داعش ئه‌را مه‌خزه‌ن چه‌ك وه‌كارى هاوردوێد.

 

له‌ چايخانه‌ى ليجند له‌ وه‌رانوه‌ر زانكۆى موسڵ، گشت شه‌وه‌كيان نزيكه‌ى بيس رووشنهوير و ئه‌كاديمى و مێژوونويس و توێژه‌ر دانيشن له‌وه‌ر تاووتوێكردن چاره‌نويس شار كويه‌ن، ئه‌و ناوچه‌ى مه‌ردميه‌ ك ده‌وڵه‌مه‌نه‌ وه‌ مێژوو و كه‌نيسه‌و مزگفه‌يل كويه‌نى ك ته‌مه‌نيان سه‌ده‌يليگه‌.

 

له‌ چايخانه‌ى كه‌هره‌مانه‌يش، جايه‌ڵه‌يل گرده‌و بوون و گووش ئه‌يه‌نه‌ ده‌نگ كازم ساهر و خه‌يك قليان كيشانن و دۆمنه‌ وازێ ئه‌كه‌ن، ئه‌ويش دوياى ئه‌وه‌گ ئه‌و كاره‌ تويش زيندانى و سزايان ئه‌كردياد له‌وه‌خت داگيركارى داعش ك وه‌قسه‌ى له‌يس خاوه‌ن چايخانه‌گه‌ هه‌ڵسووكه‌فت وه‌ل داعش يا بيده‌نگى يا مه‌رگ بوێ.

Shafaq Live
Shafaq Live