لە کۆرۆنا گەنترە.. کۆمپانیای ئەسترازینێکا دان وە کاریگەرییە بەدەیل ڤاکسینەگەی نەێد و سکاڵای یاسایی لەبانی توومار کریەێد
ئیرنگە کۆمپانیا دەرمانسازییەگە لە داوای یاسایی سکاڵا لەبانی توومار کریەێد وەمدوو ئەو توومەتەیلە کە ڤاکسینەگەیان وەرگرد زانکۆی ئۆکسفۆرد پەرە سەنیە، لە دەیان شیوە بویەسە مدوو مردن و تویشهاتن سەخت.
پارێزەرەیل وتنە؛ ڤاکسینەگە کاریگەری لاوەکی دروسکردگە کە کاریگەری ویرانکەری لەبان شمارەی کەم لە خیزانەیل دروسکردگە، یەکەم قوربانیش کە ناوی جیمی سکۆتە و باوگ دوو مناڵە، یەکەم سکاڵای یاسایی توومار کردگە، کە دویای ئەوەگ تویش هەمیشەیی لە مێشکی بویە دویای ئەوەی تویشی جەڵتەی خوینی و خوینوەربوین مێشک هاتگە کە دویای وەرگردن ڤاکسینەگە نەتوەنست کار بکەێد.
کۆمپانیای ئەسترازینێکا ناکۆکی لەبان ئەو سکاڵایلە دیرێد بەڵام لە بەڵگەنامەیگ یاسایی کە لە مانگ شوبات پیشکەش دادگای باڵای کردگە، رازیە ڤاکسین ڤایرۆس کۆرۆنا توەنێد لە جارەیل زۆر دەگمەن، بوودە مدوو TTS".
TTS کە کوڵکریاگ ترۆمبۆزی وەرد بیماری کەمووبوین ترۆمبۆسایتییە، بوودە مدوو ئەوەگ ئایەم تویش جەڵتە بوود، و شمارەی پلاکتەیل کەم بوود.
51 داوای یاسایی لەوەردەم دادگای باڵا توومار کریانە، لە خیزانەیل داوای قەرەبوو کردنە کە وە 100 ملیۆن پاوەند مەزەنە کریەێد.
زانایەیل ئەرا یەکەمجار لە مانگ ئازار ٢٠٢١ پەیوەندی ناوەین ڤاکسینەگە و بیماریە نووەگە دەسنیشان کردن کە وە ناو ڤاکسین-ئیندێکسید ئیمون ترۆمبۆسایتۆپینیا و ترۆمبۆزیس (VITT)، یەیش دویای ماوەیگ کەم لە دەسکردن وە ڤاکسین کۆڤید-١٩.
