زەویلەرزەی تونیگ خوەرهەڵات تایوان تیارێدە لەرزە
2024-04-29T13:10:55+00:00
شەفەق نیوز/ دەسەی زەویلەرزەناسی ناوەندی تایوان، ئمڕوو دووشەممە راگەیان زەویلەرزەیگ وە تونی 5 پلە لەبان پەیمانەی رێختەر لە کناراوەیل ناوچەی هوالین خوەرهەڵات تایوان رویدا.
وەپای خەوەریگ لە پێگەی "فۆكس" تایوانی، زەویلەرزەگە لە ساعەت 01:40 وەپای وەخت ناوخوەی رویدایە ناوەندەگەی لەناو دەریا بویە لە دویری 18.5 كيلۆمەتر لە باکوور باکوور خوەرهەڵات ناوچە هوالین لە قویلی 36 کیلومەتر.
ئاشکەرایکرد، تونی زەویلەرزەگە لە ناوچەیل هوالین و یێلان هەس وەپی کریایە و تا ئیسە هویچ ئاماریگ لە زەردەیل گیانی و مادی زەویلەرزەگە نییە.
